Somos Cabanas pide o voto para a candidatura de En Marea
A plataforma cidadá decidiu en asemblea participar na campaña das eleccións xerais
Somos Cabanas renova o acordo para as anteriores eleccións xerais porque comparte obxectivos e espazo político con En Marea. A asemblea decidiu por unanimidade tanto pedir o voto para a candidatura de En Marea como participar na campaña ás eleccións xerais do 26 de xuño.
Apostamos porque o cambio a través da confluencia que reclamamos en Cabanas ten que chegar ao Estado e iniciar a ruptura democrática que demanda a cidadanía. En Marea é a opción política que representa estes obxectivos e cómpre remudar o goberno central neste 26 de xuño, e o da Xunta no vindeiro outono, para varrer de vez as políticas antisociais e austericidas que nos trouxeron á situación de emerxencia social que estamos a vivir.