Sae adiante a moción contra as comisións abusivas da banca
A Corporación de Cabanas aproba por unanimidade a proposta da Marea de Cabanas para devolver as comisións abusivas
Despois de aprobada a moción, o concelleiro da marea Xosé Manuel Sardiña trasladoulles á alcaldía e aos voceiros municipais de todos os grupos un borrador de carta á entidade bancaria para reclamar a devolución das comisións indebidas que di o seguinte:
Borrador de Comunicación comisión Abanca
O alcalde-presidente da Corporación local de Cabanas
EXPÓN
Unha parte importante da veciñanza de Cabanas con contas correntes na entidade “Abanca” estase a ver prexudicada por cargos gravosos en comisións e gastos, máis aínda naquelas modalidades coñecidas como “libreta á vista”, e que rondan os 50 € por libreta. Estas comisións impóñense sobre contas, non sobre produtos financieros de esperada rendabilidade, é decir, afectan ao pequeno aforrador/a. Con independencia da legalidade ou ilegalidade desta práctica bancaria/comercial, esta corporación considéraa unha práctica abusiva entendida polo exercicio dunha posición dominante do banco sobre a súa clientela; máxime na situación de vulnerabilidade en que se atopan moitas das persoas afectadas agravada pola crise da COVID 19, e máxime se temos en conta que Abanca é o resultado da compra dun grupo de caixas de aforro galegas rescatadas con diñeiro público. Non debemos esquecer ademais que para os colectivos como o das nosas persoas maiores resulta moi difícil o acceso ás novas tecnoloxías para recorrer por exemplo á banca en liña. Por todo o exposto, SOLICITA
A inmediata devolución das comisións que consideramos abusivas aos nosos veciños e veciñas.
Agardando que a nosa solicitude teña unha resposta positiva no beneficio da nosa veciñanza, reciban un cordial saúdo.
A moción aprobada:
